Sustaker
Ile-apainketa eta Estetikarako Oinarrizko Lanbide Heziketako Zentroa.
Oinarrizko lanbide-heziketako zentroa, non "Ile-apainketa eta estetikako laguntzailea" espezialitatea ematen zaie bi ikasle talderi, 1. mailako eta 2. mailako ikasleei.
Oinarrizko Lanbide Heziketako zikloak (oinarrizko LH) borondatezko ikasketak dira, bi ikasturte akademikoko iraupena dutenak eta DBH amaitu gabe izanik prestakuntza arautuarekin aurrera jarraitu nahi duten pertsonentzat prestatuak. Nahitaezko eta doako eskaintzako ikasketak dira.
Sustaker zentroan, ikasleen ezaugarri espezifikoetara egokitutako neurri metodologikoak hartzen dira, tutoretza eta hezkuntza- eta lanbide-orientazioa barne, ikasle guztien gizarteratzea bermatzeko helburuarekin.
Tamaina txikiko zentroa izaki, hezkuntza-prozesua hurbil-hurbiletik egiten da, modu pertsonalizatuan.
Hezkuntza-prozesu pertsonalizatua eta hurbila. Prozesuan parte hartzen duten eragile guztiekiko lankidetza.
Klaustroa, Ikasleak, Guraso eta/edo tutoreak, Administrazio-langileak, Zentroko arduradunak eta irakasleak, Ikasleen egoitza-zentroak, Oinarrizko gizarte-zerbitzuak, eta, azkenik, erakundearekin kolaboratzen duten enpresak.
Ikasketa hauen helburua da ikasleek ezagutza, trebetasun, kualitate eta gaitasun jakin batzuk eskuratzea, lanbide batean aritzeko aukera emango dietenak. Gainera, Ziklo horietan trebatutako ikasleek aukera dute ondoren beste ikasketa batzuekin jarraitzeko (Erdi-mailako prestakuntza-zikloak edo Batxilergoa).
Oinarrizko Lanbide Heziketako ziklo batean sartzeko, ikasleak honako betekizun hauek guztiak bete behar ditu:
- T15 urte beteta edukitzea edo aribideko urtean betetzea, eta gehienez 17 urte edukitzea zikloa hasten den unean edo urte naturalean.
- DBHko 3.a egin izana. Salbuespenez, DBHko 2.a egin ondoren ere sar daiteke.
Ziklo bakoitza honako modulu hauetan egituratzen da:
- Kualifikazio Profesionalen Katalogo Nazionalaren Konpetentzia Unitateei lotutako moduluak.
- Bloke komunei lotutako moduluak (Komunikazioa eta Gizartea eta Zientzia Aplikatuak).
- Lantokian Prestatzeko Modulua.
